الرئيسية / أخبار / في أول ظهور إعلامي له بعد الطلاق.. محمد رشاد بدون دبلة: مش هنكمل أكتر من كده

في أول ظهور إعلامي له بعد الطلاق.. محمد رشاد بدون دبلة: مش هنكمل أكتر من كده

في أول ظهور إعلامي له بعد انفصاله عن زوجته الإعلامية مي حلمي، أكد الفنان المصري محمد رشاد خبر الطلاق.

رشاد استعرض يده بدون دبلة الزواج، وقال لمقدم  برنامج “Et بالعربي”: “إنت شايف حاجة في إيدي؟”.

الفنان المصري أكد أن الانفصال تم بالتراضي والحب، وأضاف: “هو قضاء من عند ربنا وقسمة ونصيب، فاحنا انفصلنا وربنا يكتب الخير للجميع، بس مش هنكمل أكتر من كده”.

أما عن أسباب الانفصال، قال: “الحكاية مينفعش تتحكي لأنها حكاية شخصية جدا، لازم احترم فيها الطرف التاني جدا”.

وعن إعلانه خبر الطلاق على مواقع التواصل الاجتماعي، قال: “أنا حبيت من خلاله أعلن للناس انه كل شيء تم بمنتهي الود ومجرحتش في حد ولا هجرح ولا هيحصل ده ابدا، لكن لقيت الناس اخدت الكلام بمعنى تاني”.

ونفى خلال الحوار أن يكون قد اختار أغنيته الجديدة “في غيابه تمام” لتوجيهها لطليقته مي حلمي، مؤكدا أنه يختار الأغاني التي تعجبه كلماتها وألحانها، ويفصل حياته الشخصية عن حياته الفنية تماما.

وكان محمد رشاد قد أكد أنه طلق زوجته مي حلمي 3 مرات، قبل انفصالهما الأخير، وبالتالي لا يمكن لهما العودة لحياتهما الزوجية مجدداً وفقاً للشريعة الإسلامية.

رشاد فاجأ متابعيه عبر انستجرام، وكتب: “قبل أي شيء.. بسم الله الرحمن الرحيم.. الطلاق مرتان فإمساك بمعروف أو تسريح بإحسان. صدق الله العظيم”.

وأضاف: “الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي”.

وتابع: “وبعد 3 مرات طلاق أكيد مينفعش نكمل وكأنه محصلش.. أنا بطلب من كل الناس سواء بتحبني أو لا بتتابعني أو متعرفنيش أصلا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش. وفي الأول والآخر ياريت نراعي إن البنت بتتأثر بالكلمة الوحشة قبل الحلوة”.

واستطرد: “قضينا أيام منها الحلو ومنها اللي مش حلو وكل شيئ نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا. ودا هيكون آخر حاجة ممكن أقولها بخصوص الموضوع دا”.

شاهد أيضاً

وزير الماليةبعد تثبيت «ستاندرد آند بورز» لتصنيف مصر بالعملتين المحلية والأجنبية: الاقتصاد المصري مستقر ويبدأ في التعافي من تداعيات الظروف العالمية

وزير المالية.. بعد تثبيت «ستاندرد آند بورز» لتصنيف مصر بالعملتين المحلية والأجنبية كما هو دون …