الرئيسية / أخبار / فيلم “الفلوس” يتسبب في خلاف بين أحمد السقا وتامر حسني.. تعرف على التفاصيل

فيلم “الفلوس” يتسبب في خلاف بين أحمد السقا وتامر حسني.. تعرف على التفاصيل

كشف الفنان أحمد السقا عن حدوث خلاف بينه وبين الفنان تامر حسني، بسبب فيلم “الفلوس”.

فخلال حلول أحمد السقا ضيفا على أولى حلقات برنامج “السيرة” تقديم الإعلامية وفاء الكيلاني، وجهت له سؤالًا:”امتى آخر مرة كنت فاكر إن حد أخوك وطلع مش أخوك؟”.

السقا رد: “أنتي عارفة إني بتكسف ومش هقول، لكن المرة دي هقول، أنا في حد زعلان منه وحتى الآن مقولتلوش، أنا زعلان من تامر حسني.. أنا بحب تامر جدا ولو مش بحبه مش هزعل منه”.

وتابع:”زعلان منه عشان هو في فيلم “الفلوس” كلمني وقالي إنه عايزني أعمل معاه مشهد، وهو الحقيقة كان جاملني في مسلسل “ولد الغلابة”، وعادة بروح حفلات وأقدمه ده العلاقة اللي ما بينا”.

وأضاف: “وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده يا تامر، مرة قالي دول فانز، ومرة قال دول الشركة المنتجة، قولتله أنا معرفش حد منهم أنا معرفش غيرك، ودي أثرت عليا جدا نفسيا وعليا في شغلي”.

وعما إذا كان هذا الموقف قد أثر على علاقته بتامر، قال: “مش هتأثر لو قابلني دلوقتي وقالي كلمتين حلوين الموضوع هيخلص، لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، بس كان شكله مشغول لكن اللي حصل حصل وأنا مسامحك يا تامر لكن مشاكلك كترت”.

شاهد أيضاً

«سك العملة» تُشارك بجناح متميز في معرض القاهرة الدولي للكتاب

تُشارك مصلحة «الخزانة العامة وسك العملة»، برعاية الدكتور محمد معيط وزير المالية، في معرض القاهرة …