الرئيسية / أخبار / رنا سماحة تتغزل في خطيبها: وأما بنعمة ربك فحدث.. والأخير: انتي عوض ربنا الجميل

رنا سماحة تتغزل في خطيبها: وأما بنعمة ربك فحدث.. والأخير: انتي عوض ربنا الجميل

تغزلت الفنانة الشابة رنا سماحة في خطيبها الملحن سامر أبوطالب، على حسابها الخاص على موقع “انستجرام”.

رنا  نشرت صورة جمعتها خطيبها، وعلقت قائلة: “ال post ده مش للنحنه خالص.. هسميه (( وأما بنعمة ربك فحدث )) لاني بحس دايماً اني مش مديه الراجل ده حقه.. الي عارفني كويس عارف قد ايه فكرة الجواز او الارتباط عموماً كانت فكره معقده بالنسبة لي”.

وتابعت: “وخصوصاً اني كنت بشوف دايما اننا ف زمن البنت فيه هي الراجل الي يقدر يكون سند ويقدر يتحمل مسؤوليه من غير ما يجي راجل يتحكم فيها من اجل التحكم فقط من غير اي هدف.. وكانت فترة الارتباط بالنسبه لي هي فترة الضغوط والمشاكل والعقبات الي مالهاش آخر ومع ذلك كنت بدي الي ف قلبي من جوايا من غير تفكير”.

وأضافت: “الراجل ده جالي ف وقت كنت فاقده احساس الأمان والثقه ف كل حاجه …كنت واخده قرار اني هعيش لأهلي وشغلي ولنفسي فقط …كانت فكرة الارتباط بالنسبه لي بند ملغي من حياتي ومش هرجعله … جالي طبطب عليا واحتواني وداواني من كل جرح سندني وانا طول عمري شايفه اني سند نفسي فرحني وطمني وعرفني يعني ايه أمان واكتشفت ان كل الي فات من حياتي مكانش اصلاً موجود عرفني يعني ايه حب رجعلي ثقتي ف الدنيا والحياه”.

واستطردت: “الخلاصه …الحب موجود وممكن يكون جمبك طول حياتك وانت مش واخد بالك منه ..مترضيش بأي حاجه مترضيش غير بالي يسندك ويطمنك ويفرحك ويريحك عشان اي حاجه غير كده مش حب ..الي هيحبك هيعمل المستحيل عشان يبقى جمبك ومعاكي قدام العالم كله ومش هيفرق معاه اي اعزار مهما كانت …الي بيحبك هيدعمك وهيسعى معاكي انك تكوني احسن واكبر وانجح عمره ما هيحبطك هيعليكي عمره ما هينزلك …الي يحبك هيفكر فيكي زي نفسه لو تعبانه هيداويكي لو زعلانه هيراضيكي لو وحشه هيحليكي لو وقعتي هيشيلك”.

واختتمت قائلة: “لو ملقيتيش الحاجات دي في الراجل الي بتحبيه يبقى محبتيش راجل … شكراً يا حبيبي انك موجود ف حياتي … شكراً انك راجل بكل ما تحمل الكلمه من معنى …بحبك وربنا يحفظك ليا ويكمل فرحتنا على خير.. سامحوني على الاطاله”.

خطيب رنا علق على كلامها، بقوله: “يااااا الله والله ما لاقى كلمه توصف اللى انا حاسس بيه بعد ما شوفت كلامك ده.. بصى يا رنا من غير تذويق و بإختصار للكلام انا قبل ما نقرب لبعض كنت مُستَهلَك و مقضى على قلبى و مشاعرى بالتلاته و كنت فاكر انى خلاص كده مش هعرف احب تانى او ادى حاجه تانى لاى حد و ان اللى جوايا مات من الحاجات اللى قابلتها و من الوجع اللى اتوجعته من ناس كتير”.

وتابع: “جيتى انتى فتحتيلى باب للحب تانى و خليتينى اتأكد ان لسه عندى كتير اعمله بس انا اللى اختياراتى كانت مش صح ابداً .. انتى اصح قرار انا خدته و احلى نصيب و عوض ربنا الجميل الحمدلله.. شكراً لكل كلمه حلوه قولتيها و اوعدك انى مش هكونلك غير كل حاجه حلوه سند و ضهر و امان و حب اب و اخ و حبيب و زوج و صاحب بحبك يا احلى حاجه فيا”.

شاهد أيضاً

وزير الماليةبعد تثبيت «ستاندرد آند بورز» لتصنيف مصر بالعملتين المحلية والأجنبية: الاقتصاد المصري مستقر ويبدأ في التعافي من تداعيات الظروف العالمية

وزير المالية.. بعد تثبيت «ستاندرد آند بورز» لتصنيف مصر بالعملتين المحلية والأجنبية كما هو دون …