الرئيسية / أخبار / مراد مكرم: اتعبوا شوية في تربية عيالكم وارحمونا من القرف

مراد مكرم: اتعبوا شوية في تربية عيالكم وارحمونا من القرف

وجه الفنان مراد مكرم رسالة شديدة اللهجة للأهالي حثهم فيها على الاهتمام بتربية أبنائهم على القيم والمبادئ السليمة حتى لا يضروا أنفسهم و يضروا غيرهم.

مكرم كتب، على حسابه بموقع “الفيس بوك”: “أنت ياللي ما بتربيش عيالك، وأنت ياللي بتربيهم غلط، وأنت ياللي مغرق عيالك فلوس وسايبهم يعملوا اللي هم عايزينه، من شرب وسهر ومسخرة، أنت مش بس بتبوظ عيالك، أنت حر يا سيدي إنشالله تولع بيهم، بس أنت بتصعب أوي أوي مهمة الأهالي اللي عايزة تربي عيالهم صح، بالأصول والأخلاق والمعروف والمحبة والتدين المعتدل”.

وأضاف: “وده لأنك بكل بساطة بتخلق نموذج بيقارن الشباب نفسهم بيه، وبقت الجملة اللي لبانة في بوق شبابنا ما كله بيعمل كده، يعني إيه بنتك تقولك أنا بايته بره النهاردة، ووالنبي ما تقوليش أنا واثق في بنتي، ما كلنا واثقين في بناتنا، بس حضرتك واثق في الآخرين كمان؟ وتربيتهم لولادهم وبناتهم؟”.

واختتم كلامه، بقوله: “والنبي يا جماعة اتعبوا شوية في تربية عيالكم، ربنا هيحاسبكم علي الوديعة اللي ادهالكم، وارحمونا من القرف اللي بنشوفه والمناقشات التي لا تنتهي مع عيالنا إن ده غلط.. لحد ما عيالنا بقوا شايفينا رجعيين ومقفلين وخانقينهم.. الله يخرب بيوتكم”.

شاهد أيضاً

“الرياض” تستضيف مؤتمرًا حول “مستقبل منظمات التربية والثقافة والعلوم في القرن الـ21” 

تحت شعار”معاً نحو التغيير .. وبحضور 300 مشارك دولي “الرياض” تستضيف مؤتمرًا حول “مستقبل منظمات …