الرئيسية / حكاوي السوشيال / رحمة حسن تكشف معاناتها بسب عضة الكلب… دخلت المستشفي بعد الحقنة الرابعة

رحمة حسن تكشف معاناتها بسب عضة الكلب… دخلت المستشفي بعد الحقنة الرابعة

كشفت الفنانة رحمة حسن ، عن معاناتها التي لا تزال مستمرة، بعد تعرضها لعضة كلب شرس، قائلة :«للأسف احنا عملنا اللي علينا ومحصلش أي جديد بخصوص الكلب وكل شويا تاجيل تاجيل بداية ب أن مافيش ماكان عاوز يقبل الكلب لانه سنه 4 سنين ونص لحد اه انشالله بعد العيد تبقا نجيلة مدرب البيت بس لسة مش عارفين امتي».

 

وأضافت في منشور لها عبر حسابها الرسمي بموقع الصور والفيديو «إنستجرام»: «أنا حبيت بس اشارك معاكو اللي حصل امبارح كانت آخر حقنة لية وطبعا بكون بعدها تعبانة لمدة يومين ومن اسبوعين فاتو بعد الحقنة الرابعة دخلت المستشفي بليل لاني كنت تعبنا جدا بعدها».

وتابعت «لو الكلب كان مدرب أو عارف أن مينفعش يهجم على انسان من الاول مکنش کل ده حصل وللاسف مفيش مسؤولية«.


وكانت الفنانة رحمة حسن أوضحت تفاصيل الواقعة من خلال منشور عبر حسابها على «إنستجرام»، قالت فيه: «امبارح الساعة ١١ بليل كنت نازلة أجيب حاجة من السوبر ماركت جمب البيت، كنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب جيرمن شيبرد بيهجم على بكل قوته».

وتابعت: «طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه في منطقة حساسة».

وأضافت: «صاحبة الكلب كتر خيرها أخذتني فورا على مستشفى إمبابة، أدوني حقنة تطعيم الكلب ولسه فاضل لي ٤ هاخدهم خلال شهر، بس المشكلة إن من إمبارح الجرح بينزف دم كتير، وأنا طبعا خايفة ومصدومة وتعبانة وعندي تروما من إمبارح واللي واجعني أكتر أني مَش عارفه اتصرف إزاي، خصوصا أني أكيد مَش عايزة الكلب يتئذي، بس كمان مَش عايزة أي إنسان كمان يتئذي ويتعض ويتبهدل في الشارع زيي».

وأكدت رحمة حسن أنها اعتادت رؤية صاحبة الكلب وهي تنزهه، وكانت تتجنبه، موضحة: «أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه، إمبارح صاحبة الكلب قالت لي متخافيش هو عض ولادي قبل كدة وتمام محصلش حاجة».

وقالت: «طبعا أنا اتصدمت لما عرفت أنها مَش أول مرة الكلب يعض حد ومع ذلك هي سايباه عادي في الشارع من غير كمامة أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤول مسؤولية كاملة عنه ويحاسب على إهمال مسؤوليته، خصوصا لو إهماله تسبب لشخص تاني في أذى بدني يحتاج أكتر من ٢١ يوم علاج وأذى نفسي ماعرفش هايحتاج قد إيه عشان يخف».

وأوضحت: «أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبة أقرب منهم وخايفة جدا»، مضيفة: «أنا أسفة طولت عليكم بس أنا بجد مَش عارفة المفروض أعمل إيه عشان محدش تاني يتأذي».

 

شاهد أيضاً

أحدث ظهور لزوجة الفنان سليمان عيد المحجبة.. والجمهور يتغزل فيهما

تصدر الفنان سليمان عيد محركات البحث على جوجل بعد انتشار صورة حديثة له تجمعه بزوجته …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *