الرئيسية / فنون / رضا حامد يكشف: عادل إمام ظلــــمني وقال لي روح اشتغل بعيد عني

رضا حامد يكشف: عادل إمام ظلــــمني وقال لي روح اشتغل بعيد عني

رد الفنان الكوميدي رضا حامد على سؤال وجهه له الإعلامي أسامة كمال، خلال استضافته في برنامج “90 دقيقة” على قناة المحور،عن النجم الذي تجاهل موهبته وظلــــمه.

حامد قال: “كنت بشتغل مع أستاذ عادل إمام وهو هرم كبير في الفن ودايما حريص على نفسه وعلى فنه، ولما كنت بشتغل معاه في المسرح حققت نجاح كبير”.

وتابع: “فيه حد من المقربين لعادل إمام كلمني وقالي إن الزعيم مش هيشغلني معاه تاني بعد أمير الظلام، قولتله إنت كذاب، وبعدها روحت لأستاذ عادل المسرح وقابلته وقولتله يشغلني معاه في فيلمه الجديد”.

وعن رد عادل إمام، قال: “رفض وقالي أنا قدمتك خلاص في الفيلم روح اشتغل بعيد عني.. الكلمة صــــدمتني، كلمة غريبة جدا، وفعلا بدأت اشتغلت بعيد عنه”.

وأضاف: “كنت بكــ ـــسر الدنيا على المسرح، لدرجة إن سعيد عبدالغني الله يرحمه كان دايما بيشتغل معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفد وأنا هاخد 15 يوم جزا بس مهمنيش أشتغلت وقعدت أضحك الجمهور وفي الآخر حصل خلاف من الإدارة وسيبت المسرحية”.

واختتم كلامه بقوله: “أستاذ عادل هو اللي جابني المسرحية، ومهما حصل هو عادل إمام الشامخ، الهرم الفني الكبير بس طبعا أنا جوايا منه زعل”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *