في أول تعليق للفنانة المغربية المعتزلة بسمة بوسيل على رسالة زوجها الفنان تامر حسني لها، الذي أعلن من خلالها حبه لها، ووصفها بالمتهورة، قامت بنشر مقطع فيديو من حديقة منزلها،على نغمات مقطع من أغنية ” just like magic” للمطربة أريانا جراندي.

ويقول مقطع الأغنية، الذي نشرته بسمة على خاصية “ستوري” بموقع “انستجرام”: ” أنني أحصل على كل ما أريد، لأنني أجذبه نحوي، وأنظر إلى هاتفي، لكنني لا أهتم، وأقرأ كتابا”، وتوقع المتابعين أنها توجه كلام الأغنية لزوجها الفنان تامر حسني.

وكان الفنان المصري تامر حسني قد وجه رسالة عتاب لزوجته المغربية بسمة بوسيل بعد الأخبار عن انفصالهما، حيث كتب عبر حسابه بموقع “إنستجرام” :”بسمة حببتي للاسف انتي مفكرتيش كويس و سلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة .. المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”.

وتابع :”ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم

وأضاف :”ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب..  متهورة بس بحبك”.

يذكر أن بسمة بوسيل تحدثت عن تفاصيل انفصالها، ملمحة لانزعاجها من معجباتهم وصورم معهن، قائلة: “لكل الناس اللى بتبعتلي صور وفيديوهات لتامر وشايفة إنه مش بيعلي احترام سواء في صور أو فيديوهات يا ريت تبطلوا تبعتولي أي حاجة عشان مش فارقلي أي صور”.

وتابعت حديثها عن تفاصيل الانفصال، عبر “أستوري” على “إنستجرام”: “كمان أحب أعرفكم إني إحنا بقالنا فترة منفصلين وبنحضر أوراق الطلاق لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة”.

يذكر أن تامر وبسمة تزوجا في 2012 بعد قصة حب، وأثمر هذا الزواج عن ثلاثة أطفال هم «تاليا وأمايا واَدم»، وظهرت بسمة مؤخرًا مع تامر أثناء احتفاله بصدور إحدى أغنيات ألبومه.

وسرد تامر حسني، قصة زواجه من بسمة خلال استضافته في برنامج “صاحبة السعادة”، مع الإعلامية إسعاد يونس، على قناة “DMC”، وقال: “كانت بتتعامل مع صوري كأني خطيبها أو زوجها في المستقبل منذ صغرها وورتني كراسة فيها كلام حب ليا”.

شاركت بوسيل في برنامج إستار أكاديمي في النسخته السادسة ووصلت للنهائيات واحتلت المركز الثاني، وعن اللقاء الأول الذي جمع بينها وبين حسني، كان خلال إحيائه حفلا بالمغرب، وكانت أعدت مسبقا لذلك اللقاء وطلبت وساطة بعض من أصدقائهما المشتركين أن يرتب لذلك اللقاء خصوصا أنها كانت من المعجبات بتامر حسنى.

وتابع: “كنت ساعتها في الزحمة ومعرفتش أشوفها كويس، واتضح بعد كده أنها اتجهت للأغاني عشان تقرب مني والغناء معي، وأنا بحب صوتها جدا والأغاني بتاعتها معروضة حتى الآن”.

وعن كيفية تعامل بسمة مع معجبات حسني، قال إن زوجته بسمة تتعامل بشكل لائق مع معجبيه من الفتيات، ولكنها أحيانًا تشعر بالغيرة خارج عن إرادتها، كما أنه هو أيضًا يشعر بالغيرة عليها.

وأضاف “حسني” خلال حواره “بسمة بتستقبل كل اللي بيحبوني بشكل كويس، ومرة كنت في إحدى الحفلات، كانت فيه فتاة مش معاها تذكرة بس عاوزه تحضر الحفل، فسألت عن بسمة بقول هي بسمة راحت فين، اكتشفت أنها راحت تدخلها من بره”.

وتابع: “أحيانا زوجتي تعاتبني بطريقة بسيطة من طريقة إعجاب الفتيات بها، عقلها ممكن يصغر شوية في بعض المواقف، تقولي مثلا هي اللي سلمت عليك بس أنت كنت باصص لها بصة غريبة كده”.