خضعت الإعلامية المصرية ريهام سعيد لجلسة تصوير حديثة ظهرت فيها بإطلالة كاجوال، وصفها عدد من جمهورها بأنها جريئة نوعا ما.

ريهام سعيد أطلت في جلسة التصوير بـ  “تيشيرت كت” باللون الأسود وبنطلون جينز ممزق، وهو ما عرضها للانتقادات ، حيث اعتبر متابعيها أنها بدأت تتخلى عن إطلالاتها المحتشمة.

الإعلامية المصرية نشرت صورة مركبة لصورة من جلسة التصوير مع صورة قديمة لها منذ عدة سنوات، وعلقت: “الي بيقولوا اتغيرتي دي انا وطول عمري بسيطه وشايفه ان لو الحاجه مش مبتذله تبقي شيك كل واحد حر”.

وأضافت: “الصوره التانيه دي من اربع سنين و موجوده علي كل المواقع و بتنزل في كل الاخبار ايه الفرق دراعي هو دراعي والله بس تخنت عشره كيلو”.

وتابعت: “علي فكره ده الجينز بتاعي الي بخرج بيه و التيشرت دي من دولابي الخاص يعني لبسي . للعالم المريضه ركزوا فحياتكوا يا ملايكه و ارحمونا من احكامكم واراءكم الي مالهاش اي قيمه”.

وأكملت: “ولا انتوا ملايكه و لا ليكوا الحق في الحكم علي الناس الكلام ده للقله القليله المريضه الي جواها غضب بتطلعه علي بروفايلات الناس المشاهير”.

واستطردت: “مش فاهمه فكره انك تتابع و احد عشان تنتقده انت ماللك . دي انا بسيطه وحره و شيك و عمري ما كنت حاجه غير كده و دي طبيعتي الي مصدوم اكيد مش ها روح البرنامج كده لان ماينفعش الواحد يروح البنك لو موظف بشورت”.

وأضافت: “الدليل علي انكوا و لا بتفهموا في الدين و لا تعرفوه ان الدين قال ان الكلمه الطيبه صدقه انتوا وصل بيكوا التنمر انكوا بتحكموا مين داخل الجنه و مين داخل النار . و ان تقل خيرا او لتصمت”.

واختتمت كلامها بقولها: “ارحمونا بقي من العقد و من قله الادب . ناس بتبان في منتهي التقوي من ناحيه المظهر و هي منحرفه انحراف رهيب . لما مايعجبكش حد ابعد عنه و ادعيله بالهدايه مع ان مجرد انك تحكم علي حد وعلي علاقته بربنا انت الي محتاج ندعيلاك بالهدايه” .