في مرة من المرات الست ام كلثوم قابلت الفنان نجيب الريحاني صدفة في أحد الأماكن وبدل ما تسلم عليه راحت أول ما شافته فضلت تضحك وطبعا ده اغضب نجيب الريحاني جدا وفضل لحد آخر يوم في وفاته مقاطع الست ام كلثوم طب إيه سبب ضحك الست ام كلثوم .
معظم ممثلي الكوميديا بيكونوا شخصيات جادة جدا في الحقيقة وأي حد تعامل مع ممثلين الكوميديا الكبار هيعرف المعلومة ديه ونجيب الريحاني كان شخصية جادة جدا ومعتز بشخصيته جدا فالست ام كلثوم متعودة تضحك لما بتشوف الريحاني بيمثل في السينما أو المسرح فلما شافته في الحقيقة ضحكت تلقائي وده اللي اغضب الريحاني ظنا منه أنها بتسخر من شخصه.
