ردت الفنانة زينة على تصريحات الفنانة نيللي كريم ضدها في برنامج «شيخ الحارة والجريئة» مع المخرجة إيناس الدغيدي، حيث قامت نيللي بتوجيه لها اللوم على سبب واحد قائلة:«لو هلوم على زينة في حاجة هو عدم التزامها في التصوير بتتأخري يا زينة».
علقت زينة خلال لقائها مع «et بالعربي» قائلة:«لا طبعا مستحيل تكون قالت كده هي هتقول كدا ليه؟ أكيد محصلش واتفهمت غلط، الموضوع محصلش ولو هتقول كده ليه هتقول في برنامج ليه؟ لازم تقولي أنا مين أقرب؟ مش هتقول كده قدام الوطن العربي كله، ولو من باب المحبة تقولي في التليفون مش هنطلع نتكلم على بعض في البرامج مش من أخلاقنا».
وتعاونت زينة مع نيللي كريم فنيا في عملين، الأول هو فيلم “واحد صفر” من إنتاج عام 2009، ومن إخراج كاملة أبو ذكري، ومسلسل “لأعلى سعر” الذي عرض في شهر رمضان 2017.
كشفت زينة خلال الحلقة أن توأمها بدآ يتحكمان في الملابس التي ترتديها وقراراتها في اختيار الملابس قائلة: “أولادي منعوني مثلًا ألبس حاجة مفتوحة عشان دي حتة المفروض محدش يشوفها، وأنا بعلمهم أن جسمهم مينفعش حد يلمسه لأنه بقينا بنخاف على الأولاد زي ما بنخاف على البنات بالظبط”.
وأكدت زينة أنها تحترم قرارت طفليها وتتناقش معهما دائماً فيما يفكران به ويريدان القيام به، وقالت زينة أنها كانت في السابق من تحدد اتجاه رحلتها، ولكن الأمر الآن أصبح في أيدي نجليها.
وتابعت: “أنا بحترم رأي أولادي وبسمع كلامهم، واللي بيتكلم دايما ويتناقش ويدي أوامر وكده هو زين، واللي مبيتكلمش وبتاع حركات هو عز”.
ولفتت إلى أن طفليها لديهما ميول فنية، موضحة: “ما شاء الله في واحد فيهم صوته حلو أوي معرفش إزاي، واحد بيغني والتاني بيمثل”.
ورفضت زينة ظهور طفليها إعلاميًا خلال الفترة الحالية وقررت إيقاف تصوير البرنامج بعد اقتحام أحد طفليها غرفة التصوير، وخاطبتهما قائلة: “خشوا على جوه كده على طول”.
View this post on Instagram
وعلقت زينة أنها ترفض في الوقت الحالي أن يكونا محط اهتمام خاصة أنه لن يكون مفيداً لهما بسبب الخلافات والمشاكل التي وقعت بينها وبين والدهما الفنان أحمد عز، قائلة: “هما دلوقتي أطفال، خلوهم يعيشوا سنهم، لما يكبروا يبقوا يقرروا يظهروا أو لأ، وفي ناس كتير غيري مش بيظهروا أولادهم، وهما أبوهم وأمهم فنانين، وفي مشاكل حصلت زمان بيني وبين أبوهم وكده، وعشان كده مظنش أن ظهورهم هيبقى مفيد”.
