أعلنت الفنانة المصرية ميمي جمال اعتزالها التمثيل نهائيا، مؤكدة أن السبب يعود إلى أنها بعد رحيل زوجها الفنان حسن مصطفى، شعرت بحـ ــزن شديد ونفسيتها كانت سيـــ ــئة للغاية.
الفنان حسام داغر نشر صورة طريفة جمعته بميمي جمال، حيث طالبها بالرجوع عن قرارها، حيث كتب على حسابه الخاص على موقع”انستجرام”، قائلًا: “بقى معقول القمر دى يعتزل، إزاى يا ميمى يا أجمل ست فى الدنيا، ده أوحـ ــش خبر سمعته”.
وأضاف: ” ده انتى اللى فاضلالنا من زمن كان جميل، انتى وعم حسن الله يرحمه، كنت أشوفك بس اتبسط، إنتى بس أكيد بتشوفى غلاوتك عندنا وأننا منستغناش عنك”.
وتابع:”طب أنا هتحايل عليكى شوية، حاسس بيكى وانتى اللى عندك لسه كتير يا كتلة الحنان والطيبة، متزعليش من ناس فى الوسط ميعرفوش قيمتك، انتى اللى يعرفك كويس مش بس يحبك، ده يموت فيكى”.
واختتم كلامه، بقوله: “جاية تسيبينا بعد ما الجميلات راحوا، هيتبقالنا مين، كدة الجمال فى الشغلانة هيقل يا ميمى يا جمال يا ملكة الجمال، قولولها ارجعى ومتسيبيناش”.
حسام داغر تعرض لعدد من الانتــ ــقادات بعدما طالب ميمي جمال بالتراجع عن قرار الاعتزال، فرد قائلا: “المعترضين علي دعوتي ليها بالعوده انها متقضيش اخر سنينها في بعد عن احبائها انا بتكلم عن انها قضت ٧٠ سنه من عمرها في الوسط الفني الاستاذه ميمي بتمثل من و هي طفله عندها ٩ سنوات طبيعي تكون كل معارفها و علاقتها و اصدقائها في الوسط”.
وأكمل: “و لما تقرر تعتزل مهنه اشتغلتها طوال عمرها لازم الناس تتمسك بيها شويه و طبعا هي ليها حريه الاختيار و زي ما قالت محتاجه وقت مع بناتها و احفادها لكن موضوع علاقتها بربنا فدي علاقتها الخاصه بيه و انا اشهد انها كانت دائمة الصلاة و عمر ما كان الوسط الفني حاجه تستحق الهدايه في البعد عنه بالعكس فنانين كتير حمدين السيرة وفي مكانهم قدروا يساعدوا ناس كتير”.
وكانت ميمي جمال قد قالت في مداخلة هاتفية في برنامج “المساء مع قصواء”: “أيوة حقيقي اعتزلت من ساعة المرحوم جوزي ما توفى، الحاج حسن مصطفى، بعدها قعدت سنة أو سنة نص تعبانة نفسيا، عشرة عمر، بقالنا أربعين، حاجة وأربعين سنة متجوزين”.
الفنانة المصرية أضافت: “لقيت كفاية كده، أنا اشتغلت كتير، أنا باشتغل من وأنا عندي 9 سنين، عملت كذا فيلم وعندي 9 سنين، أقوى من الحب، وفيلم آخر مع كمال الشناوي وزهرة العلا”.
وأكملت: “الوقت ده كله وأنا بشتغل، خلفت ولادي وأنا باشتغل، والدتي الله يديها الصحة هي اللي قدرت تقف معايا في ولادي، دلوقتي قولت كفاية، أشوف ولادي وأحفادي ونفسي شوية، وفعلا أنا اعتزلت خالص دلوقتي”.
